A typewriter a la chawl lo

Writer lar a ni a, kum 89 a ni tawh. Mahse a kut a la chawl lo a, a typewriter pawh a la chawl lo. Pindanah inkhungin thu a la ziak thin.
Lalzuia Colney tihin a chiang mai a, Mizo literature-ah pa lian a ni. 1960s velah thu leh hla lamah a inhmang tawh a, kuminah pawh a la ziak. Computer awm hma fea heti lama inhmang tawh a ni a, a bultanna chu pen a ni. Pen-in a ziak a, rei lo teah typewriter-ah a kai. Computer-ah a lut ta lo a, kumin thlengin Lalzuia leh a typewriter chu an inzui ta zel a ni.
“Typewriter ka la hmang a, a buaithlakna lai chu a awm. Chanchinbua chhuah tura article ka pek te pawh hian, a buatsaihtute tan lo chhut that a peihawm lo thinin ka hria,” a ti.
1961-ah a article hmasa ber a ziak a, “Ka hlim khawp mai a, a ruk tak chuan ka intithei a,” tiin hemi chungchang hi a sawi. Chuta tang chuan a kut a chawl ta lo reng reng a, 2026-ah pawh a la ziak.
“Kan upa tawh a, mahni tute hming pawh theihngilh thut thin kan ni tawh a. Kan hriatna a chak tawk lo a, mit a chak tawk lo bawk a. Mahse phak ang tawkin kan la ziak ta zel chu a nih hi,” a ti.
Lehkhabu hi 20 vel a ziak tawh a, essay, drama, novel leh poem te a ziak thin. Mizo tawng dik chungchang te, history lam te a ziak a, Pathian thu lam a ziak bawk.
Thu leh hla a ngaihsan thu leh heti lama kal hi a tum ve reng thu a sawi a, “Naupang te kan nih laiin kan mi hmasate thuziak kan chhiar thin a, ngaihnawm ka ti em em mai a, ziah ve chakna te min neihtir a,” tiin thuziak lam a ngaihsan hma thu a sawi.
Computer hmanga thu ziah chuan chhut sual palh pawh a siamthat theih a, typewriter nen a inang lo. Typewriter la hmangthu Lalzuia Colney pawhin hei hi hautak a ti a, “Chhut sual loh tumin theihtawp ka chhuah thin,” a ti. A ziah dan hi, pen-in lehkhapuanah a ziak phawt a, chu chu typewriter-in a chhu leh thin.
A ziak a, a bua a chhuah bakah All India Radio leh seminar nikhuaah paper buatsaihin a chhiar thin a, thu a sawi thin bawk. 2010-ah padma shri chawimawina a dawng a, thu leh hla lamah chawimawina dang a dawng nual bawk.
Eizawnna lamah zirtirtu a ni a, middle school-a a thawh tirhah chuan thla khatah Rs 100 a hlawh.
“Tun hma chuan thu leh hla lama inhman te, lehkhabu ziah te kha a hautak kan ti thin a, mi kan la tlem a, sum a tlem bawk a. Tunlaiah hi chuan thil han tih mai hi a har tawh lo deuh niin ka hria,” a ti.
Kohhran upa a ni a, upa ni chunga writer nih hi thil buaithlakah a ngai lo. “Kohhran upa ni chunga thu leh hla lama inhman hi, thil inkawp rem tak a ni. Kristian nihna kha thuziak hmangin kan puang alawm,” tiin hemi chungchang hi a sawi.
A’n thlir kir a, thu leh hla lama a lo inhmang hi a lawm, vannei a inti. “Phak ang tawka thu kan lo ziak ve kha tifuh ka inti a, lawmawm ka ti. Keini angin kutchhuak kan han nei ve hi ka lawm a, ram leh hnamin min hriatpui hi a ropui ka ti,” a ti.