Football a hmeichhe player ropui Marta chu Brazil aiawha Olympic khel tur football team-ah thlan tel a ni a, kum 38 mi Marta hian a vawi ruk nan Olympic a hmachhawn dawn.
Brazil tan vawi 183 khel a, goal 118 zet thun tawhtu Marta hian National Women’s Soccer League- club Orlando Pride tan a khel mek. Brazil tan Olympic vawi nga leh World Cup vawi nga a khel tawh bawk. April thla khan kumin kum tawpah football chawlhsan a tum thu a lo sawi tawh. Football a chawlhsan hmain Olympic a hmachhawn leh zet dawn a, Gold Medal lak ngei tumin tan a khawh ang.
Marta hian Olympic vawi nga khel tawh mah se Gold Medal a la dawng lo. Athens 2004 leh Beijing 2008 khan Silver medal a la. Olympic final vawi hnih a khelh tawhah hian USA ngam lovin an tlawm ve ve. Hmeichhe footballer ropui Marta hi mipa leh hmeichhiaah World Cup-a goal thun hnem ber a ni mek a. World Cup-ah vawi 23 khel tawhin, goal 17 a thun tawh.
Brazil manager Arthur Elias chuan Marta hi hmeichhe infiammi ropui ber a nih thu a sawi a. Olympic khel tur Brazil team a tel a phu tak zet thu a sawi bawk.
A vawi ruk nana Olympic khel ttu Mara
