Florida, USA a cheng Megan Cassidy chu a zawnin ni 23 chhung ultramarathon a tlan a, Guinness World Record a siam. Ultramarathon chu marathon aia thui a ni a, marathon hi km 42.195 a ni a, ultramarathon chu hei aia thui hi niin, a thui zawng bithliah fak awm lo thung. Megan Cassidy hian ultramarathon atan ni 23 chhung chu nitin mel 31.1 (km 50 vel) a tlan ziah a, hei hi hmeichhe zinga a zawna ultramarathon tlan hnem ber record a ni. Megan hian record hi December ni 17, 2022 leh January ni 8, 2023 inkara a siam a ni.
A hmaa hetiang record chu ni 22 a ni a, Megan hian ni 23 aia tam hi tlan a tum zawk a, mahse, a hna tul avangin a tawpsan a ngai ta a ni. Megan chuan December leh January a thlanna chhan chu a boruak chu tlan nan a nuam deuh zawka a hriat vang niin a sawi a, ni khatah darkar 6 atanga dar 7 a tlan deuh niin a sawi a, hei hi khaw awmdanin a hril thui riau niin a sawi bawk.
A zawna ni 23 chung ultramarathon tlanin record siam
![](https://theaizawlpost.org/wp-content/uploads/2023/03/red.jpg)