Abhishek Bachchan leh Nimrat Kaur inkarah ri rêt rêt a awm em ni?
Bollywood star nupa, Abhishek Bachchan leh Aishwarya Rai te inkarah sawi neuh neuh a awmna a rei tawh viau a, an nupaa an chhuah dunna thlalak tharlam hi hmuh tur pawh a awm ta meuh lo, hetiang boruakah hian Abhishek Bachchan leh Bollywood star dang Nimrat Kaur te romantic deuh hleka an thlalak a darh ta a, hei hian Bachchan nupa inkar hi a kehchhe ta tak tak a ni thei ang em tih zawhna a siam hnem nghal hle.
Nimin lawk khan Aishwarya Rai leh a fanu Aaradya te chu an chhungte pianchampha lawmnaah an kal dun a, hetah hian Aish chhungte an tel tha hle a, mahse, an tunlai dan ngaitein Abhishek a tel ve leh tlat lo.
Aishwarya cousin pianchampha an lawm lai hian Abhishek a tel ve lo hian sawi a ti tam lehnghal hle a, tunlai chu eng emaw tihpuinaah an nupain an kal dun ngai ta mang tlat lo a, an nupa hian inthen an tum tih te, an awm hrang tawh tih thawm te pawh a tam hle a, tun tumah Abhishek tel lo a Aish te nufa an chhuak dun leh hian social media lamah pawh titi a titam leh ta hle a ni.
Hetihrual hian Abhishek hi Bhopal lamah a pi, Indira Bhaduri tlawha a kal avangin Aish cousin pianchampha lawmnaah hian a tel ve lo niin an sawi a, Indira Bhaduri hi Abhishek-a nu Jaya Bachchan nu a ni a, kum 94 mi niin, a hriselna tlakhniam avangin enkawl leh buaipui a ngai ve deuh tawh niin an sawi.
Hetihlai hian Abhishek leh Nimrat Kaur te thlalak, lang romantic ve deuh riau a rawn darh leh ta bawk si nen, Abhishek leh Aishwarya te inkar hi a kehchhe ta tak tak em ni tih zawhna a tam leh ta hle a ni.
Abhishek Bachchan leh Nimrat Kaur inkarah ri rêt rêt a awm em ni?
