ACB-in Criminal case 15 chhui mek
Anti-Corruption Bureau (ACB) Mizoram chuan tun din hmunah Criminal Regular Case ziahluh leh chhui mek 15 a nei a; Preliminary Enquiry tih mek 11 a awm bawk.
Hei hi tun hnaia Chief Secretary hova Vigilance Department leh ACB ten ACB hnathawh dan leh an hmachhawp mekte thlirhona an neihah tarlan a ni.
ACB Director tarlan danin tun dinhmunah ACB-ah hian hnathawk 67 an awm mek a, chung zinga mi 11 te chu Corruption case chhui thei (Police Inspector leh a chunglam) an ni. ACB-a case ziahluh tam ber te hi Aizawl District leh Lawngtlai District atanga case lutte an ni a. Case ziah luh zinga tam ber chu sorkar sum hman dik loh (mis-appropriation of govt funds) leh sorkar sum a hmanna tur ni lova hman (Criminal mis-conduct) a ni.
Chief Secretary cum Chief Vigilance Officer chuan ACB leh Vigilance officer te chu corruption kaihhnawih dan leh hraite chu nasa leh zuala zir chiang tur leh hrechiang lehzual turin a fuih a. Sorkar hnathawk eirukna (corruption) kaihhnawih case neite chu danin a phut ang taka kalpui zel thin turin a hrilh bawk.
ACB-in Criminal case 15 chhui mek
