ADC-ten Revenue deptt hnuaia
ruahmanna bawhzui dan tur zir
Autonomous District Council hotute chu revenue administration zirho leh scheme pawimawh hrang hrang kalpui dan tur hrilhfiah an ni.
Thawhlehnia he hun hman hi Revenue minister B Lalchhanzova chuan a hmanpui a. Land Revenue & Settlement department hnuaia scheme hrang hrang – Digital India Land record Modernisation Programme (DILRMP), Survey of Villages and Mapping with Improvised Technology in Village Areas (SVAMITVA) leh Special Assistance to State for Capital Investment (SASCI) chu Autonomous District Council hotute hi hrilha zirtir an ni. Land Revenue administration chu ADC-te thuneihna a nih rualin, heng scheme-ah hian sawrkar laipuiin state sawrkar chu ADC-te enpui tur leh kaihruai tura a beisei anga he workshop hi buatsaih a ni tih minister hian a sawi.
Workshop-ah hian LR&S department mithiamten scheme hrang hrang an zirtir a. Zawhna awmte chhangin, hmalak chhunzawm dan tur sawiho a ni. ADC atanga chief executive member, executive member leh official-ten atangin thusawi ngaihthlak a ni bawk.
Reveue administration-a hmasawnna tur hrang hrang leh scheme kalpui dan tur ruahman sawiho a ni.
ADC-ten Revenue deptt hnuaia ruahmanna bawhzui dan tur zir
