Adesanya a champion leh ta
Pathianni zing khan Miami, Florida-ah hlawh-tling takin UFC 287 neih a ni a. Israel Adesanya chuan vawi thum a hneh loh zawn tawh Alex Pereira a hneh a, UFC middleweight champion thar a ni. UFC 287 a fight ngaihven hlawh dangah fighter lar Jorge Mas-vidal chu Gilbert Burns hneh loin a tlawm ve thung.
UFC middleweight a fighter tha Israel Adesa-nya hian kick-boxing ah vawi hnih a hneh loh zawn tawh leh UFC 281-ah a kawnghren kawl lai chhuhsaktu Laex Pareira a hmachhawn nawn leh a. Round hnihna tir lam thlengin dinhmun der-thawng zawkah ding mah se vanneihthlak ang reng takin a khingpui hi a knock-out a, Pareira a hneh ve ta nge nge. Adesanya hian vawi thum ngawt a hneh loh zawn tawh Pareira lakah hian bul a tan tha lova, round hnihnaah pawh hian Pareira hian a nawr buai leh hman viau. A khingpui hnek tlawm ngei tuma a nawr luatah Pareira a chesual a, fuh zeta Adesanya hnek let tuar lovin a tlu a, thochhuak tur a awm tawh lo. Tihuan, Israel Adesanya chuan knock-out hmangin hnehna a chang a, a kwanghren hloh tawh a la let.
UFC 287 hi Israel Adesanya leh Alex Pareira te MMA huanga an intum vawi lina a ni a. An intum hmasak pa-thum; kickboxing 2016 leh 2017-ah Pareira a chak zawn a. Kick-boxing-a a hneh thin Ade-sanya hi champion a nihna UFC-ah hmach-hawnin November 2022 khan Pareira hian Ade-sanya kawnghren a rawn chhuhsak. Pathianni zing khan a vawili nan an inhmachhawn leh a, vawi thum ngawt tlawm zawn tawh Adesanya tan chakna ni a inherchhuak ve ta nge nge.
UFC 287-a fight ngaihven hlawh dangah Brazil fighter Gilbert Burns chuan tualchhung tlangval Jorge Masvidal chu unanimous decision in a hneh. Masvidal a hneh hnuin Burns hian welterweight champion Leon Edwards hma-chhawn a, kawnghren chuhpui ngei a duh thu a sawi. Burns-an Edwards hmachhawn ngei a duh thu a sawi laiin UFC president Dana White chuan Edwards kawng-hren chuhpuitu tur chu American Colby Coving-ton a nih thu a lo sawi tawh thung.
Adesanya a champion leh ta
