ADMACS-in assembly hmang
Aizawl District Market Cooperative Society (ADMACS) Ltd. chuan Zirtawpni khan Aizawlah annual general assembly an hmang.
Hmanpuitu adviser to chief minister Dr KC Lalmalsawmzaua chuan sawrkar flagship programme tihhlawhtlin kawnga ADMACS Ltd. leh sawrkar thawhdunna a hlawhtling chu lawmawm a tih thu a sawi a. Sawrkarin a ngaih pawimawh kuthnathawktute tana ADMACS hmalakna leh loneitute hamthatna a kalpui chu ropui a tih thu a sawi bawk.
ADMACS Ltd. hi kum 1982 khan Lalbiakthanga leh mi thahnemngai 15-in an din a ni a. Tun thlengin sawrkar thawhpuiin kuthnathawktute mamawh hmanrua leh thlai chi a pe a, tunah hian fertiliser pe thei turin sawrkarah phalna a dil mek. Kuthnathawktute tan awlsam zawka loan an pek bakah sawrkar flagship programme hnuaia sawhthing chingtute hnenah man man zawkin ip (bag) an pe a ni.
Assembly-ah hian ADMACS Ltd. hnuaia share thawh tha zual pathum hnenah chawimawina thilpek hlan a ni.
ADMACS-in assembly hmang
