Africa a ram tha hnem takte chuan tuipui hnuaia telecommunication cable a chah avangin internet an nei lo tiin network operators leh internet watch groups te chuan an sawi a ni.
MTN Group, Africa a network providers lian ber te chuan tuihnuai cable te chu hmun hrang hrangah a chat tiin an sawi a. “Kan theihtawpa ranga siam that tumin hma kan la mek a ni,” tiin South African company te chuan thu chhuah siamin an sawi.
Tun hnaiah Africa a cable te chu a chhe zing hle a, mahse tun tuma chhia hi a lian ber leh nasa ber a ni tiin Isik Mater, director of research, NetBlocks chuan a sawi.
NetBlocks te chuan data transmission leh measurement an lak hmangin subsea network cable landing points ah tak a chat hlawm tiin an sawi.
Internet cable chat hian nghawng nat bik ram neiin Ivory Coast te chu a nghawng na bik hle a. Africa hi mobile service web traffic a hmahruaitu niin sumdawnna tam tak te chu internet a innghat bur an ni tawh bawk.
Cable chhia hian West Africa Cable System (WACS), Africa Coast to Europe (ACE), SAT-3 leh MainOne te chu a nghawng vek a.
Internet analysis firm Cloudflare chuan tuna cable buai hian West Africa a ram 10 lai Ivory Coast, Liberia. Benin, Ghana leh Burkina Faso te pawh a huam bawk.
Vodacom, South Africa mobile operator te pawhin undersea cable failure avang hian connectivity lamah harsatna an neih thu sawiin Namibia leh Lesotho te pawhin harsatna an tawh thu an sawi bawk.
Africa-ah internet nei lo ram tam
