AGT Season 20 winner
Jessica Sanchez
NBC competition series, America’s Got Talent season 20 finale chu September ni 24 khan an nei ta a, Jessica Sanchez chu pakhatna niin, lawmman dollar maktaduai a dawng.
Jessica Sanchez hi a naupai pum pawh a puar tha tawh el awl khawp mai a, California chhimlam chhuak niin, he reality competition series-ah hian a aw that leh zaithiamna hmachhuanin a tel a, pakhatna a ni ta a ni.
Sanchez chuan lawmman dawn paha lawmthu a sawinaah, “Ka lung a che rih zawk. A mak em mai, ka lawm tak zet a ni,” a ti.
Season 20-ah hian top 10-ah rapper Mama Duke, aerialists Sirca Marea, rapper Micah Palace, light-up dance group LightWire, musician Steve Ray Ladson, dance group Team Recycled, singer Jourdan Blue, Leo High School Choir leh rapper Chris Turner te pawh an lang.
Top 10 te hian September ni 23-ah final performance an nei theuh a, heta tang hian fans vote hmangin winner an thlang a, Sanchez-i’n vote a hmu sang ta ber a ni.
Jessica Sanchez hi AGT-ah a tum hnih telna a ni tawh a, 2006 khan hmeichhe naupang kum 10 mi chauh a nih laiin a tel tawh a, chumi tum chuan a thleng sang lo. Tichuan, kum 20 a vei a, a rawn inlan leh ta, tun tumah chuan nau thla kaw mi a pai tawh lehnghal. Intihsiak tawpna turah Lady Gaga leh Bruno Mars hla hit ‘Die With a Smile’ a perform a, a champion pui ta a ni.
Sanchez hi August ni 4, 1995 khan Chula Vista, California-ah a puang a, Filipino-American singer, performer leh recording asrist a ni. American Idol Season 11-ah pahnihna (runner-up) niin, hei hi rimawi khawvela a hming a chher tanna a ni a, tunah chuan AGT winner niin, a rawn invawrh chhuak ta tak tak a ni.
AGT Season 20 winner Jessica Sanchez
