Thalai leh naupangte chu nu leh pa leh aia upa zah kawngah tan la thar turin minister Lalruatkima chuan a fuih.
YMA Dawrpui Vengthar Branch-in YMA Day an lawmna kalzelah Ningani zan khan ‘YMA Nite’ an hmang a. He hun hmanpuitu, bialtu MLA, minister Lalruatkima chuan nu leh pate zah leh chawimawi thiam chu khawvela damreina leh malsawmna dawnna a ni, tiin, nu leh pa thuawih kawngah hma sawn theuh turin YMA member-te a chah. “Aia upa zahthiam hi pi leh pute nuna thil pawimawh tak, khawtlang nun tinuamtu a ni thin a, tunlai thangthar zingah erawh aia upa zahna a tlahniam hle niin a hriat,” tiin, YMA chu aia upa zahthiam tura inzirtirna uar zawka kalpui turin a chah.
Zirna chu hmasawnna thlentu pawimawh tak a nih avangin zirna ngaisang a, uar zawka zirna kalpui a hun tawh takzet tih minister hian a sawi a. Ram leh hnam a him a, a dam theihna turin zirna chawisan kawngah theihtawpa tan la thar turin YMA hruaitu leh member-te a chah bawk.
Aia upa zah kawngah tan la turin fuih
