SP Velumani-a thuihruai AIADMK MLA dang pakhat chuan a thiante pathum zuiin a bâng ve dawn nia sawi a ni a, Chief Minister Vijay-a kaihhruai TVK a zawm ve dawn nia sawi a ni.
MLA hi a hming hriat a la ni lo va, a hmain AIADMK MLA 25 zingah a tel a, May 13-a sorkar buknaah khan party duh lo angin TVK sorkar thlawptu lama vote thlak zingah a tel.
Kar hmasa Thawhlehni khan AIADMK MLA pathum – Maragatham Kumaravel, Sathyabama leh Jayakumar te chu party atangin an bâng a, TVK an zawm a, an vai hian Velumani-a kaihhruai pawla tel vek an ni.
An chhuah hnuah AIADMK hel pawl chakna chu 25 atangin 17-ah a tlahniam nia sawi a ni a, report-a a lan dan chuan MLA thenkhatin an dinhmun an ngaihtuah nawn a, EPS-a lam an pan leh mai thei bawk.
An hruaitu hlun, CV Shanmugam-a kaihhruai AIADMK MLA 30 awmna pawlin Vijay-a TVK thlawpna an pek hnu kar hnih a liam hnuah hetiang hi a thleng a ni.
April 23-a Tamil Nadu assembly inthlanah khan AIADMK chuan seat 47 a la a, TVK-in 108 lain party mala chak ber an ni a, sorkar erawh an siam thei bik lo va. Congress, IUML, VCK leh Left party nen tang ruala sorkar an siam hnuah Shanmugam-a kaihhruai AIADMK MLA 30 chuan Vijay-a TVK hi an thlawp zui a. Velumani-a kaihhruai MLA rual erawh chuan a tirah zawm ve duh loh mah se an chhuahsan leh ta hret hret a ni.
AIADMK MLA atangin Vijay-a thlawptu awm belh zel
