Indian Air Force hotu, Chief of the Air Staff air chief marshal VR Chaudhari chu Mizoramah lokalin Nilaini zing khan Kumbhirgram Assam atanga helicopter-a lo lutin, Champhai district Farkawn a tlawh nghal a. District bawrhsap James Lalrinchhana, SP Vineet Kumar leh DIPRO C Lalremruati ten an lo dawngsawng.
42 Assam Rifles hmun, Farkawnah Air Force group captain P Srikanth leh a thawhpuite chuan Farkawn leh a chhehvela Air Force hmalakna hrang hrang an lo hrilh a. An hnathawhna leh an hmanraw neihah harsatna an neih loh thu leh an mawhphurhna tha taka an hlen theih thu an report a ni.
Champhai bawrhsap leh SP pawhin Air Force leh Assam Rifles chuan Champhai district civil administration tha taka an thawhpui thin thu lo hrilhin, air chief marshal chuan mipui himna atan theihtawp chhuah tlang zel turin a chah.
Farkawn a tlawh zawh hian helicopter-in Aizawl a pan a, zan a riak dawn a ni.
Nilaini chhun khan Raj Bhavan-ah larsap Dr Hari Babu Kambhampati a kawm a. Farkawn leh a chhehvela an hmalakna a tlawh chungchang hi a hrilh.
Assam Rifles hotute a hmuh dawn bakah Reiek Tlang a tlawh bawk dawn a ni.
Air Force hotu lokal
