BY C. Vanlal Ruaia
9862569310 ( 280723)
LENGPUI AIRPORT :
Kan panna kawng hi Vaivakawn Company peng Lei tla hniam atang hian Leilung nghet lo a nih chu mi tin hriat a ni a. Chumi piah lam a Luangmual ram hnuai Rangvamual leh Ropaia bawk hnuai zawng zawng hi a leilung hi leilung nghet lo (Loose soil) a ni thla vek a, PTC peng vel atang khuan a lo a dam deuh ta chauh a ni. Kan ram tlang ram a nih bakah Lirnghing Epecentre kum 2019 atangin a rawn insawn lut e’ an ti leh nghal a.
Vaivakawn-Luangmual-Sakawrtuichhun-Sihhmui kawng hi Rawtna chu a rikna a rei tawh hle a. Inernet Google atanga thlir pawh hian tuna Rangvamual Highway kawngpui ai hian chuan a direct a, Airport hi a hnai em em bawk. Mahse kan politic leh Society-ah chuan an sawi ri lo khawp mai.
Tin, tun hma lam khan Budget leh Development-in Zokhua lam a thlen phak ve loh avangin Budget luang chhah lai tlan turin khawpui lam hi mipuiin an pan khawm thin a. Aizawl khawpuiah Mautam sazu angin kan in ekbeng chiam a. Land Settlement & Regulation Act 1956 in a phal loh kham pang leh Lungpui /pialtlep hmun leh khampang thlengin kan luah ta zel a ni. Heng hi Dan anga Rorelna a kal thin loh avangin mipui kan buai ta thin a ni. Kulikawn leh Bawngkawn inkar chiah hi Aizawl khawpui a maw ti niawm tak hian chei kan tum a, kan rim a. Thil lo awm tawhsa Historical Monument te tihchhiat kan pawi sa lo va. Kan ti boral zel hi a pawi hle. Vanduai thlak takin DC office Lushai Hills Superintendent office kang te, Treasury strong room Government confidential leh Exam paper kan dah thinna te a kang boral ta. A uihawmzia chu kan hre dawn chauh a ni. Hnam fing ten Thil hlui an ti chhe ngai lo va. Development chu hmun thar/dang ah ropui zawk turin an duang mai thin.
EXTENSION PLAN:
Khawpui zauh belh lam pang hi kan mipui ti ti, Political Platform, Policy Assembly debate, leh zawhnaah reng reng hian a ri lo ang reng ka ti a. Chanchinbuah kan hmu lo. Aizawl Greater plan tih vel kha chu a awm ngei a; mahse chhunzawm a awm thei lo ni maw.
Aizawl chhuah lam panga World Bank (Project) Road kan lo nei hman hlauh hian min chhawk a. Aizawl South lam chuan Dam lo Durtlang Hospital leh hmar lam pan turin World bank road atangin an tlan thin. Chutiang bawkin Hmar lamin ZMC leh Trinity Hospital pan turin hmanhmawh thilah an tlan thin bawk a. A tangkai hle a ni.
RING ROAD RAWTNA:
Kulikawn leh Bawngkawn kawng zi ding atanga tlan chhuahna awm chuan min chhawk tih kan sawi tawh a. Hetiang hian kawngpui hi tihpuitlin ni ta se:
Sihhmui (Sairang) atangin Sakartuichhun ramah kalin Central Jail thlangah Telecom Office kawnah lo chhuakin Ramri kawnah pheiin University Road ah, Mizoram University thlen hmain Maubawk Ramah kai pheiin Tlangnuam ram Pharbawk chungah, Hlimen ram ah—chuta tangin Samtlang ramah, Hualngohmun ramah National Highway a man ang a. Medical College chu a thleng a ni mai. He Medical College hi thang chakin Puitling thuai se kan tih chuan mithiam Visiting Professor-in an tlawh zut a ngai a. Heng Survey duan sa zinga Sihhmui –Sakawrtuichhun phei hi chu Laih zawh tawh a nia, leilawn dawh ngai a awm nual awm e.
A HLAWKNA TUR:
1) Mizoram Chhim lam leh Aizawl atanga Lengpui Airport-a Flight tur reng rengin Lengpui Airport pan nan an hmang ang a. Reporting time tlai hlau loin thla muang takin an tlan thei ang, hun a duh rei lo bawk ang. Rangvamual truck lian pui pui full load tawk zawnga tlan hi a him lo.
2) World Class Education kan sawi thin a. Mizoram University hi Airport-in a pawh ngei ngei tur a ni. President kha Chancellor a nih avangin Convocation neih changa kal nan Hali pad (Copter tumna) a awm thin a. University chuan Seminar, International seminar, Committee, Convocation, Symposium, Workshop a nei chamchi a, Heng atan hian Resource Person Foreign University atang ten Visiting Professor an lo kal a, Darkar 2/3/5 te lecture pein Airport-ah drop in, University dang an pan leh mai thin a ni. Chu awlsamna chu University-in a neih chuan a standard a sang thei tawh dawn a ni.
3) University Student ten hun thawl tak neiin tlan nan an hmang ang a. He kawngpui hi Aizawl khawpui leh Municipal Area atang leh a remchang apiang ten tlan chhuah nan an hmang thei ang. Exam lai pawn Traffic zam hlau lovin lehkha an zir thei ang a. Aizawl Ring road a lo ni nghal bawk ang.
4) Hetianga Kawngpui nuam fahran mai a lo awm chuan, mipuiin kawng pui an bawh lo thei loh avangin. A laih hmain Kawngpui hnuai lam pang zawng Ram neite chu Sawkarin Land Acquisition Act hmangin la vek sela. City Reserve forest-ah puang nghal se la. Chu chuan Tlawng Aizawl tuilakna chu a veng him dawn a ni. Tin, Reserve a nih loh chuan Tlawng hi a lo bawlhhlawh viau thung dawn a ni. Tin Reserve a lo nih chuan Aizawl khawpui boruak a vawng dai bawk ang. Khawpui(City) chungah Oxygen a awm loh chuan ruah pawh a sur thei loin Leilung pawh a thawp vek ang a. Chu chuan thil hlauhawm tak a thlen thei ang. Tlawng thlen hmaa Lui a fintute khuaha Checkdam siamin Tlawng lui a thianghlim ang.
NOTE : A Ram Neitu ten Ram an pek phal chuan Central Sum pek (Funding) chu India Sawrkhar hian harsatna a nei lo va. Mahse an Compensation thlenga pek erawh a duh lo.