Hmanni lawkah social media-a a thlalak post avangin Aishwarya Rai Bachchan leh a pasal Abhishek Bachchan te inkarah khi a awm niawmin thu a thang tawh a, tunah pawh a thlalak post avang bawkin an nupain inthen an hnaih niin thu a thang leh ta a ni.
Aish hian Instagram-ah a pa boral tawh Krishnaraj Rai pianchampha pualin thlalak a post nual a, chung zingah chuan thlalak hlui deuh tawh, a fanu Aaradhya nen a pa an lakpuina pahnih a tel a, hei bakah hian a thlalak tharlam deuh, a pa thlalak frame-a an tar bula a fanu leh a nu nena an lak a tel bawk bawk. Aishwarya chuan a thlalak caption-ah, “Ka pa duhtak, kumkhuain kan hmangaih reng ang che. Hmangaihna ngah, ngilnei, caring, michak, thilphal leh rilru tha…nangmah ang hi tumah an awm lo…an awm leh tawh lo ang. Happy Birthday! I pualin kan tawngtai. Kan ngaih tak zet,” a ti bawk.
Heng thlalak hi a post hnu lawkah comment a tam nghal hle a, a pasal Abhishek lanna pakhatmah a post ve loh avang leh tunhnaia a thlalak post reng rengah a pasal nena an lan dunna a post ngai tak loh bawk si avangin zawhna a titam ta a, an nupain inthen an hnaih tih thawm a rawn thang thar leh ta a ni.
Aishwarya leh Abhishek te inkar a khi zual zel em ni?
