New Delhi-a chief minister Lalduhoma’n Union Minister of Road Transport & Highways Nitin Gadkari a hmuh hnu ah January 6 khan Twin Tube Uni- directional Aizawl Bypass Tunnel thawhna tur cheng vaibelchhe 1313.28 chu a sanction thu a rawn hriattir.
He sum sanction hi National Highway No.6 Sairang leh Phaibawk inkar leiverh, a thui zawng km 2.5, a luhna (approach road) km 2.1, a vaiin km 4.60 a thui thawhna tur niin, package 2 huamchhung ami a ni.
He kawngpui hian Aizawl khawpui paltlanga lirthei kal tam tak a titlem dawn a, khawpui chhunga lirthei tam lutuk chu nasa takin a ti ziaawm dawn tih sawrkar thuchhuah chuan a sawi. Aizawl khawpuia lirthei chevel himna a tisang zual anga, khawpui hel kualtu kawngpui pawimawh leh tangkai tak a ni dawn tih sawi a ni bawk. Sairang leh Phaibawk inkar kawngpui hi km.22 in a titawi dawn a, tuna kawng awmsa zawha he hmun pahnih thlen nana hun hman thin chu darkar khat leh a chanve in a titlem dawn tih sawi a ni.
Aizawl bypass sialna tur sum centre-in a pechhuak
