Mizoram Basketball Association (MBBA) hnuaia district lian ber AizawL District Basketball Association (ADBBA) chuan February ni 7 (inrinni), 2026 khan General Body Meeting chu Hawla Indoor Stadium Conference Hall-ah an nei a, hemi rual hian an pawl hruaitu tur (2026-2028) thlanna an nei nghal.
President : Lalnunkima (Chhinga Veng)
Vice President : Emanuel Lawmkima (Ramhlun North)
General Secretary : Terry Lalfakawma (Aizawl Venglai)
Assistant Secretary : Lalawmpuia (Ramrikawn)
Tresurer : Malsawmkimi Ralte (Khatla)
Finance Secretary : Lalchhandami (Khatla)
Hoops Mania Time Out
ADBBA hi kum 2010, August ni 7 khan MBBA chuan a din a, an kal beuh beuh a – kum 2017 khan MBBA vek hian a thuam chak thar tha leh a ni. Hemi kum hian ADBBA hnuai tournament awm zat chu pathum a ni a, hetah hian Zarkawt Serpents an champion vek. Chu record hlui leh hlu tak chu kum 2025 ADBBA season a zawh rual khan Kicksology BC, Tuikual South te chuan rawn khumin tournament 4-ah zet an champion – he record 2 hi ADBBA chanchin chhinchhiahna ah thai reh a ni tawh ngai lovang – heng hi hruaitu tha ADBBA in a neih vang a ni.
ADBBA lam hian kum 2023 khan inthuam thar chak lehzualin Pu Dennis Vanlalmawia, Khatla South President-na hnuaiah phur takin hma lam an pan sauh sauh a – kum 2026 a rawn inherchhuah meuh chuan hruaitu hlui hlu tak tak te sulhnu chhui turin OB hmel thar te pawh an lang ta nawk.
ADBBA hnuaiah hian club tam tak an inziak lut a, Mizo thalaite hmakhua an sial sakin kawng tha zawk an kawhhmuh tih vawng chungin thapui nen hma lam pen zel turin Hoops Mania The Aizawl Post chuan duhsakna kan hlan e.