May ni 27-a ruah surah khan Aizawl tui tlan Tlawng lui a lian a, Sairang-ah phei chuan an hriat china a len ber Tum a ni.
Tlawng kam khua Sairang-ah chuan 2017-a Tlawng lianin a chim chin an chhinchhiahna a chim pil a, an YMA hruaitute pawhin an hriat phak chinah hetianga sang a chim ngai lo tih an sawi.
Sairangah hian chhungkaw 53 an inthiar chhuak a, sikul pakhat, anganwadi pakhat, Hindu mandir leh Mosolman mosque pakhat a chim bawk.
Tlawng lian hian Sihmui mite lawng 12 a la a, Sairang lawng pawh lak a nei, YMA hruaitute chuan 12 aia tam a nih an ring.
Buichali-ah pawh Tlawng lian hian kawngpui a chim a, khup chen velin a chim tih thu dawn a ni.
Aizawl tui lakna pawh Tlawng lian hian a nghawng a, Reiek kaia lei pawh a chim san ber lai chuan tui lian hian a chim thuak a ni. Aizawl tui lakna pump house duty room pawh inches ruk vel chauhin tui hian a chim phak lo.
PHE department lam aTanga thu dawn danin, Tlawng lian hian Aizawl tui lakna VT motor a chim pil a, mechanic store leh electrical store bag thlang lam a la a, pump house-a an khawlte pawh ft 1 velin a chim bawk.
“27th May, 2024 aTanga ruah nasa tak a sur avangin Tlawng lui lianin GAWSS-I tui pump-na khawl (Reiek kai) a chim a. Hemi avang hian GAWSS-I aTangin tui pump theih a ni dawn rih lo a, GAWSS-II power supply harsatna a awm avangin tui pump ment chuan thuchhuah an siam a, “Aizawl veng hrang hranga leiminin tui semchhuahna pipe a tihchhiat avangin tui semchhuahna lamah harsatna tawh mek a ni bawk,” an ti bawk.
“Hemi avang hian Aizawl khawpui chhungah tui sem lamah hun engemaw chen harsatna a awm dawn a,” tiin hriatthiamna an ngen.
Sairang lamah chuan chhun dar 12 velah tui hi kam tih thu dawn a ni.
Aizawl tui tlan Tlawng a lian
