North Eastern Region (NER) huap turin sawrkar laipuia Ministry of Cooperation chuan Aizawlah National Cooperative Development Corporation (NCDC) Sub-Office a din a, 2024 March 11 khan Cooperation secretary Vinay Kumar, IAS chuan a hawng.
Cooperative sector-te tana funding institution NCDC nena tha taka thawh ho zel chu state sorkar/ Cooperation department duh dan a ni, chumi atan chuan theihtawp chhuah zel tum a ni tih sawi a ni.
Hun kal tawhah NCDC hian Mizorama cooperative societies tan hna tam tak a lo thawk tawh a, record-a a lan danin NCDC hian Mizorama cooperative movement tih chak nan leh society-te mamawh phuhruk nan cheng vaibelchhe 80.05 loan, share capital leh subsidy-in state sorkar kaltlangin a pe tawh a, tunah hian NCDC funded-in Aspirational District – Mamitah ICDP project cheng nuai 532.94 Cooperation department kaltlangin kalpui mek a ni. Hei hi ni 31.03.2024 hian project khar tawh tur a ni. Hei bakah hian NCDC kaltlang tho in Ministry of Cooperation pian hnu ah project 13 dang, sector 5 Mizoramah kalpui mek a ni.
Aizawlah NCDC office hawng
