Aizawlah saza pathum
Kulikawn Ngaizel ngaw-ah Mizoram state animal saza pathum hmuh a ni a. A humhalhtu ni vek turin mipui an sawm tih Association for Environmental Preservation chuan an sawi.
ASEP Gen. Hqrs thuchhuak chuan, Kulikawn Ngaizel ngaw-ah Mizoram state animal saza pathum hmuh a ni a. Heng saza hi Solomon’s High School zirlaiten a thla an la fuh hlauh tih a sawi. Hetianga Aizawl khaw chhungah ngei state animal hmuh tur an awm chu lawmawm a tiin, humhalh tlattu ni turin mipui a sawm tih a sawi.
Heng saza hi Kulikawn Local Council leh YMA Branch pawhin an humhalh tih ASEP hian sawiin, lawmawm an ti a. Khawtlang hruaitute hmalakna tawiawmtu ni theuh turin mipui a sawm tih a sawi bawk.
‘Heng sazate hian kutpalh an tuar a nih chuan dan ang takin ASEP chuan a tawp thlengin hma a la dawn a ni,’ a ti.
Aizawlah saza pathum
