Ajit Doval leh China minister inkawm
National Security Advisor Ajit Doval chuan thawhlehni khan Beijing thlengin, nimin khan China foreign minister Wang Yi nen ram pahnihte ramri chungchanga thawhho dan tur an sawi.
Ram pahnih mi pawimawhte hian Ladakh hmar lama buaina thleng thin tihziaawm zel dan tur bakah, ram pahnihten remna leh muanna an neih zel theihna tur bakah inkungkaihna nghet an neih dan tur hrang hrang an sawi dun a ni.
Kum nga chhung ram pahnihten inbiakna mumal an neih tawh loh hnuah special representative-te inbiakna vawi 23-na tura tel turin Doval hian Beijing hi a thleng a, meeting hnuhnung ber chu kum 2019 daih tawh khan niin, hemi tum hian Delhi-ah neih a ni.
Official pahnihte hian Ladakh hmar lama buaina chhuak chu an sawi len ber a ni a, ram pahnihte inlaichinna siamthat leh inkungkaihna nghet zawk neih chu an thupui ber pakhat a ni bawk.
BRICS inkhawmpui Kazan-a neih a tum khan prime minister Narendra Modi leh China president Xi Jinping te chuan inpawh taka inkawmna neiin, hemi tuma an inbiakna hrang hrangte tihhlawhtlinna turin official te hian thawhdunna tur kawng an ngaihtuah zui niin sorkar thuchhuah chuan a tarlang.
Ajit Doval leh China minister inkawm
