Kartawp boruak hahdam taka hman tum leh kalkhawmte chu inrinni zan lai khan Birmingham, Alabama ah kahna thlengin, mi pali in nunna an chan a, mi tam tak an hliam bawk.
He pawisawi lo kaptu hian tum bik em em a nei lo a, a duh hawi zawng zawngin a silai a chelek kual mai a ni, hei vang hian hliam tuar pawh an tam phah tiin Birmingham police officer Truman Fitzgerald chuan a sawi.
Hliam tuar thenkhatte chuan, an awmna chu kiltin atanga kah mawlh mawlh hi a ang ber a, tlanchhiat a sawt chuang lo a, silaimu hi hawina lam apiangah a lokal emaw tih tur a ni, an ti.
He pawikhawihna thleng hi mi pakhat nge, inthurual thiltih hriat a ni lo a. Thuneitute chuan rinhlelh man an la neih lo thu sawiin, ngawrh taka pawikhawihtu an zawn mek thu an sawi.
Alabama a inkahnaah mi pali in nunna chan
