Alex Warren ‘Ordinary’ a la lar ber

Alex Warren ‘Ordinary’ a la lar ber
Alex Warren hla hit ‘Ordinary’ chu Billboard Global 200 chart-ah a No.1 a, he chart-a kar nga a No.1-na a ni. Hetihrual hian sombr pawhin a vawi khatnan chart top 10-a lang thei hla neiin, ‘Back To Friends’ chu No.9-ah a invawrh thar ve bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga kar khat chhunga official-only stream (subscription leh ad-supported audio leh video music services) leh download sales te chu tehna pawimawh a ni.
Alex Warren ‘Ordinary’ hian stream maktaduai 70.1 leh sales 13,000 a la nei thei a, chu chu chart-ah a No.1 pui leh ta a ni. He hla hi May ni 26-a American Music Awards semnaah a perform a, chumi hnuah stream leh sales lamah hma a sawn leh ta a ni.
He chart-a kar 18 No.1 thei Lady Gaga leh Bruno Mars ‘Die With a Smile’ chu No.2-ah bawk a la awm a, kar 12 No.1 thei ROSE leh Bruno Mars ‘APT.’ pawh No.3-ah bawk a la awm a, kar thum No.1 thei Billie Eilish ‘Birds of a Feather’ pawh No.4-ah bawk a la awm a, kar sarih No.1 thei Benson Boone ‘Beautiful Things’ chu No.6 atangin No.5 a kai thar ve leh ta bawk.
sombr, a hming tak Shane Boose, hla ‘Back to Friends’-in stream maktaduai 37.7 neiin No.17 atangin No.9-ah a invawrh a, he chart top 10-ah a lan vawi khatna a ni. Hetihrual hian a hla dang ‘Undressed’ pawh No.19 atangin No.13-ah a invawrh ve nghal bawk.
Billboard Global 200 Top 10:
1 Ordinary – Alex Warren
2 Die With A Smile – Lady Gaga & Bruno Mars
3 APT. – ROSE & Bruno Mars
4 Birds Of A Feather – Billie Eilish
5 Beautiful Things – Benson Boone
6 Don’t Say You Love Me – Jin
7 What I Want – Morgan Wallen Featuring Tate McRae
8 Lose Control – Teddy Swims
9 Back To Friends – sombr
10 Luther – Kendrick Lamar & SZA