Alex Warren “Ordinary” Hot 100-ah kar li a No.1 ta

Alex Warren “Ordinary” Hot 100-ah kar li a No.1 ta
Alex Warren hla hit ‘Ordinary’ chu Billboard Hot 100 (singles) chart-ah a No.1 a, he chart-a kar li a No.1-na a ni ta. Hetihrual hian Cardi B hla tar ‘Outside’ pawh chart top 10-ah a debut a, Morgan Wallen-a’n top 10-ah hla pathum nei lehin, kar ruk chhung he chart top 10-ah hian Tum khatah hla pathum chin a nei tling thei a, kumina chart top 10-a Tum khata hla pathum chin nei ngun ber a la ni.
Billboard Hot 100 hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Alex Warren ‘Ordinary’ hian kar khat chhungin stream maktaduai 19.8 leh sales 6,000 a la nei thei a, radio airplay pawh ngaithlatu maktaduai 64.2 an la tling a, hei hi chart-ah a kar li nan a No.1 pui leh ta a ni.
Chart No.1 pawh lo ni tawh Morgan Wallen featuring Tate McRae ‘What I Want’ chu No.3 aTangin No.2-ah a insawn leh hret a, Wallen hla dang, chart No.2 pawh lo ni tawh “Just in Case” chu No.4-ah bawk awm lehin, a hla dang, chart No.1 hlui “I’m the Problem” chu No.6 aTangin No.65 a kai thar ve leh ta bawk.
Chart No.1 hlui Sabrina Carpenter ‘Manchild’ chu No.2 aTangin No.3-ah a tawlh a, he chart-a kar 13 No.1 ni thei Kendrick Lamar & SZA ‘Luter’ chu No.5 aTangin No.6-ah a tawlh ve ta bawk. Hot 100 chart-a No.1 ni rei thei ber record nihrualtu Saboozey ‘A Bar Song (Tipsy)’ chu No.7-ah bawk a la awm a, kar nga chhung No.1 ni thei Lady Gaga leh Bruno Mars ‘Die With a Smile’ pawh No.8-ah bawk a la awm.
Chart No.1 hlui Teddy Swims ‘Lose Control’ chu No.9-ah awm lehin, he hla hi chart top 10-ah kar 67 a lang tling ta a, he chart top 10-a lang rei thei record a sawhnghet telh telh a, top 10 chauh ni lo, he chart-a ranking neia a lan rei zawng hrim hrim pawh kar 97 tling tawhin, he chart-a lang rei thei ber record a siam tawh bawk.
Cardi B hla thar ‘Outside’ chuan stream maktaduai 15.6, sales 14,000 bakah radio airplay ngaithlatu maktaduai 6 neiin, No.10-a a debut a, he chart top 10-a a hla lang thei 13-na a ni a, nikum March thla hnua he chart top 10-a a lan lehna hmasa ber a ni bawk. Cardi B hian Hot 100 chart-a No.1 kai thei hla panga nei tawhin, hmeichhe rapper zinga No.1 kai thei hla ngah ber a la ni.
Cardi B hla thar ‘Outside’ hi a original form bakah a cappela leh instrumental version awmin, Cardi B album thar September ni 19-a a tlangzarh tur ‘Am I the Drama?’ aTanga a lead single a ni.