AMC Ambassador- Tluangtluangi
Miss Grand India 2025-a Pahnihna, Miss Vanlalnuntluangi chuan Aizawl Municipal Corporation (AMC)-in ambassador atana an sawmna a pawmin, khawtlang rawngbawltu a ni a, khawtlang ta a nih thu sawiin, AMC nena thawk ho a, Ambassador nih chu a tihmakmawh a nih thu a sawi bawk.
Nimin khan AMC Auditorium, |huampui veng-ah AMC chuan Miss Grand India 2025-a Vanlalnuntluangi hlawhtlinna lawmpuina leh chawimawina neiin, Aizawl Mayor Lalrinenga Sailo chuan AMC hminga lawmpuina thuziak leh sum fai Rs 1,00,000 hlanin Aizawl-in India ram inelna sang taka 1st Runner Up ni thei kan nei chu chhuanawm a tih thu sawiin, Kohhran leh khawtlang tana a hnathawhte hi thalaite tan entawn tlak tiin a fak a. Aizawl tihmingthatu ni chhunzawm zel tura duhsakna hlanin, Aizawl khawpui hmasawnna tura hmalakna kawng hrang hrangah leh faina kawnga AMC puibawm zel tur leh Aizawl mipui te, thalaite leh naupang zawk te kawng dik kawhhmuhtu ni a AMC Ambassador ni turin an sawm a. Miss Gand India 2025 1st Runner Up, Miss Vanlalnuntluangi chuan AMC sawmna hi a pawm nghal a ni.
Lawmpuina hun hman zawhah AMC Ambassador thar hian |huampui Local Council leh Republic Veng Local Council huamchhunga bawlhhlawh ttawih thei khawnna tura ruahman Garbage Truck a flag-off nghal bawk a ni.
AMC Ambassador- Tluangtluangi
