Aizawl Municipal Corporation hotute chuan ruahsur leh thli thawk vanga chhiatna hmun tlawhin chhawmdawlna an hlan.
Aizawl mayor Lalrinenga Sailo, deputy mayor R Thanglura, executive corporator pahnih Lalringliana leh B Lalawmpuii te bakah corporator Ramthanzauvi te chuan Nilaini khan Melthum leh Hlimena chhiatna thlenna hmun an tlawh a. Chhanchhuah hna thawk mek hnatlangten a tul apianga an hman turin Rs. 30000 an hlan. Luangmual thlanmual min avanga thlan sawn hnatlang pawh tlawhin Rs. 10000 an hlan bawk.
Aizawl mayor chuan AMC-in chhiat tawkte a tawrhpui tih a sawi a. Hmun him lo laite enfiaha zirchiangin, mipui rawn chungin a tul apiangah AMC-in rang takin hma a la dawn tih a sawi a ni.
Aizawl hmun hrang hranga chhiat tawhna hmun hi May 28 khan Municipal commissioner Er. Lalhriatpuia leh AMC official-te bakah executive corporator H Zonunsanga ten tlawhin silpauline an lo pe tawh a ni.
AMC-in chhawmdawl hna thawk
![](https://theaizawlpost.org/wp-content/uploads/Clipboard01-1157.jpg)