American Idol Season 23
winner Jamal Roberts
American Idol winner thar an awm leh ta. Jamal Roberts chu Season 23 finale-ah fans vote hmangin winner a ni ta a, 2003 Season 2 a Ruben Studdard hnuah he zai intihsiakna show-a mihang winner ni leh thei hmasa ber a ni. John Foster chu runner-up niin, Breanna Nix chu pathumna a ni bawk.
Kumin American Idol finale-ah hian vote maktaduai 26 a lut niin show host Ryan Seacrest chuan a puang a, American Idol finale-a vote luh tam ber a la ni a, nikum finale aiin vote hi a letin a tam zawk nge nghe a ni.
American Idol Season 23 finale-ah hian Jessica Simpson, Good Charlotte, Salt-N-Papa, Kirk Franklin, Jennifer Holliday, Patti LaBelle, Goo Goo Dolls te bakah zaithiam hrang hrang an perform a, top 3 finalist ten midang an zaipui theuh bawk a, Roberts hian Jelly Roll zaipuiin, Foster leh judge Luke Bryan an zai dun a, Nix leh Brandon Lake te an perform dun bawk.
Kumin American Idol-ah hian judge panel-ah Lionel Richie, Luke Bryan leh Carrie Underwood te an thuho a, Season 4 winner Carrie Underwood hian judge panel-ah Katy Perry a rawn thlak a ni.
American Idol Season 23 winner Jamal Roberts
