An kawtkaiah
Inter chak zo lo
Inter Milan tan Hakan Calhanoglu chuan penalty \helhin an mikhual Napoli lakah San Siro club-in 1-1 draw an hlawhchhuak.
Pathianni zan inkhelah hian hmahruaitu Napoli lamin goal khung hmasain, Scott McTominay-a goal kha Naples khua a\anga zinchhuak team hian an chakpui zo bik lo a; kum 30 mi ni ve tawh Calhanoglu chuan mualneitu team siphurh a sut hnuah penalty a\angin chakna goal ni thei tur khungbelh theihna hun remchang a bawhpelh ta a ni.
Turkey midfielder Calhanoglu hian penalty a chhuih hnuhnung vawi 19-ah a thun fai vek a, tun kha Inter tana a \helh vawikhatna niin, November 2016 daih tawha Bayer Leverkusen thuam inbel chunga penalty a chhuih luh loh hnuah tun kha penalty a \helh leh vawikhatna chiah a ni bawk.
Mikhual team khan minute 23-ah McTominay goal hmangin hma an hruai zet a, chawlhlawk hma minute hnih chiah awm tawhah Calhanogluchuan box pawn a\anga pui zeta chhuihin Inter siphurh a sut a, kha shop hlauhawm lutuk kha Napoli keeper Alex Meret tan dan ngaihna a awm lo!
Second half-ah mualneitu Inter Milan-in inkhel thunun zuiin, chhum lo chat loin an mikhualte kha an nawr reng a, goal thun theihna hun remchang pawh an hmu fo a, Federico Dimarco chuan goal ban chhuih per nghing lawihin, Inter tana \helh langsar zingah Lautaro Martinez a tel bawk.
Second half \an a\anga minute 10 a kal hman chauh tihah match official-te thutlukna a sawisel nat deuh avangin Inter coach Simone Inzaghi chu yellow card hmanga thunun niin, kha khan khelmual chhungah boruak a tilum zual sauh a, mahse, buaina lian zawk erawh a chhuak zui ta lo hlauh!
Minute 74-ah San Siro mipui lunghnur hun a cherchhuak leh a, Andre-Frank Zambo Anguissa laka Denzel Dumfries hlawhchhuah penalty chhuih tura penchhuak Calhanoglu chuan penalty a thun \helh zen zen loh avangin home supporter ngaih a \ha viau tura ngaih a nih laiin goal ban a fuh ta tlat a, Inter Milan-in Serie A table-a hmahruai theihna hun \ha an bawhpelh phah ta a ni.
Napoli lam zawk pawh hian hun tawp dawnah chakna goal khung theihna hun remchang bawhpelh ve thoin, Giovanni Simeone chuan box chhung a\angin goal kham chungah ball a petchhuak arh luah!
He result kan hmuh hnu hian Serie A hmahruaitu nih inchuhna race a chep zual sauh a; Napoli hian khelh 12-a point 26 hum chungin hma an la hruai chhunzawm der der a, an hnuai chiaha awm Atalanta chuan point 25 neiin, pathumna Fiorentina, palina Inter leh pangana luahtu Lazio-te pawhin khelh 12-ah vek point 25 an kawl a, top five chin hi chetfuh hleka hmahruaitu ni chho mai thei dinhmunah an ding vek a ni.
An kawtkaiah Inter chak zo lo
