An ram zawnah chinese indo thlawhna thlawk a tam thu sawi
Taiwan chuan nikhat chhung lekin chinese sipai indo thlawhna 153 chuang an ram chung zawnah a thlawk tih sawiin, hei hi an chhiar theih chin chauh a la ni zawk, an ti.
China hian an sipaite nunchan an zirtir mek tih an sawi a, indo thlawhna leh drone te, indo dan bakah, tuipuia chet tlat dan thlenga Taiwan ram hnaihah an sipaite an zirtir thu report thenkhat chuan an tarlang.
Taipei leh Beijing hi an inngeih lo hle a, tuna an ram chung zawna sipai indo thlawhna thlawk pawh hi Taipei chuan an hrethiam lovin, an thinrim hle tih Taiwan president Lai Ching chuan sawiin, ‘Keini chu mipui sorkar (democracy) duh kan ni a, anni chu an ni ve lo,’ a ti.
China hian Taiwan ram hi neih a tumna a lo rei tawh ve hrim hrim bawk nen, tuna a sipaite nunchan a zirtirna hmun atang pawh hian an ram hnaih kher hi a thlang lui niin Taipei chuan a ngai a, Beijing chu mi rawktu tihialin a sawi.
Taiwan president Lai chuan, ‘Min rum thaih a nih chuan keini pawhin kan theihtawp kan chhuah ang a, kan do let ve ang. Kan ram chhan nan chuan kan huaisen ve tawk,’ a ti a. Beijing chu a sipaite insawntir rang turin a hriattir nghal bawk.
An ram zawnah chinese indo thlawhna thlawk a tam thu sawi
