anama player Hernandez an kaphlum

a an lawngchawlhna khaw lian lo tak Colon-a silai chelektute chetnaah Panama national team footballer Gilberto Hernandez chu kahhlum a ni.
Silai keng tu tih hriatlohte’n mi an pawngkahnaah hian mi pasarih hliamin, kum 26 mi Hernandez hi vanduai zul zingah a tel a, he inkahnaah hian silai kengtu tum ber a ni em tih erawh hriat a ni lo.
Colon hi ruihhloa sumdawnna kawng pawimawh tak a nih avangin he hmun thunun tum hian tunhnai thlahnih chhung khan gang rual pahnih an inkap fo a, mipui 40,000 lek chenna a ni chungin kumin mai pawh hian mi 50 thah an ni tawh.
Tarlan tak angin, Colon Province khawpui Colon hi Caribbean tuifinriat kama awm niin, hmarlam atanga Panama canal luhna chhuahka niin, he lawngchawlhna khua kaltlang hian South America atanga cocaine an thawnluh chu Europe lamah an pudarh leh ta thin a ni.
Gang chet natna hmun a nih avangin tualthahna a thleng cham-chi a; Pathiannia inkahna chhuak-ah pawh silai keng mi pahnihte chuan taxi driver chu he khawpuia building pakhat lam an pan luihtir a, chu hmuna mi thenkhat awm-khawm chu an pawngkah chiam a, tah chuan vanduai zingah footballer hi telin, misualte hi tlanchhe nghal mah se rinhlelh pakhat chu a bulhnai inah man a ni.
Club Atletico Independiente tana khel tawh Gilberto Hernandez hian kumin March thla khan a vawikhatna’n Panamanian national team tan khelin Guatemala a hmachhawn a; Argentina nena friendly match an khelh tum pawhin ram tan a inlan ve tawh bawk.