Andhra Pradesh High Court chuan Chief Minister hlui N. Chandrababu Naidu chu a hriselna tha lo avangin Bail-in kar li chhung atan nimin khan a chhuah lailawk. Chandrababu Naidu hian Skill Development Scam vangin thubuai rip tak a nei mek a ni.
Naidu hi Septembe ni 10 atang khan Judicial Custody-in a awm char char a. He bail dilna hi Justice T. Mallikarjuna Rao chuan a ngaihtuah a, Nov 28-ah Central Jail Superentendent Rajamahendravaram hnenah inpe turin a hriattir a ni. Court chuan Naidu chuan a duhna Hospital-ah a mit leh a vun te a inentir a phalsak a, a senso erawh amah a intum tur a ni, a ti.
Hetih lai hian CID chuan Naidu hi Liquor Scam chungchangah thubuai an siamsak leh mek a. Hemi chungchangah pawh hian Judge chuan humanitarian ground atangin hriatthiamna a lantir a, a case ngaihtuahna tibahlah si lovin bail a phalsak a ni.
Court ngaihdan chuan Naidu hi Court kaldan tibuai thei niin an ngai lova, thubuai thehluttu leh chhutute tham leh thlem lo tur angah an ngai a ni. Amah hi mi zahawm tak a ni a, Chief minister hlui a nih bakah tunah hian Opposition Leader a ni mek bawk a, Court chuan a chungah zahngaihna a lantir a ni.
Court hian Naidu-a’n regular Bail a dilna chu November ni 10-ah a ngaituah leh dawn a ni.
Andra Pradesh CM hlui chhuah lailawk
