Social Welfare, Women & Child Development department leh SELCO Foundation chuan Anganwadi Centre (AWC) 300 service pekna leh an infrastructure tih chakna turin Ningani khan thawhdunn thu (MoU) an thlung.
Thawhdunna thuthlun hriatpuitu SWW&CD minister Lalrinpuii chuan, naupangte chu an lo thanlenna atan leh an hmasawnna turin hmun him, mi zawng zawng tel theihna leh an mamawh phuhru thei environment an neih theihna tur chu Mizoram sawrkar chuan a ngaihpawimawh hle tih a sawi a. SELCO Foundation nena an thawh dunna hian Anganwadi Centre-te chu sustainable energy hmangin a tichak dawn tih a sawi. He hunah hian CDPO (child development project officer) leh CO (circle officer) telte chu field visit nei tam tur leh inelna thianghlim nei nasa turin a chah.
He hmalakna hian infrastructure leh service delivery pawh a tihchangtlun a beisei tih sawiin, he thawh dunna hi Mizoram puma hmeichhia leh naupangte mamawh phuhru thei tur leh community institution-te chak zawka siam tumna kawnga hmalakna pawimawh a ni tih a sawi bawk.
SELCO Foundation project manager Laltanpuia chuan, decentralised renewable energy (DRE) solution leh infrastructure development support hmangin Anganwadi Centre-te chu hmun tha zawk, hman tlak zawk leh energy hman dan tha zawk an nih theihna turin thawh dunna kalpui tum a ni tih a sawi a. Kumin December-ah he solarisation hi zawh tum a ni, tiin, Mizoram pum huam zawka hmeichhia leh naupangte hriselna, nutrition leh zirna tha zawk a thlen theihna turin hma lak tum a ni tih a sawi.
Kum hnih chhung kalpui tur he thawh dunnna hian khawtlang leh vengchhunga hmeichhia leh naupangte tan early childhood development, nutrition leh health service tihchangtlun a tum a. Hmun hla leh service pekna remchang tawk lo hmun pawh huam tum a ni.
Programme hi rei tak kalpui theih turin a khawtual mi hman tangkai chu ngaihpawimawh a ni dawn a. Anganwadi worker (AWW), Anganwadi helper (AWH) leh sawrkar official-te chu system dahte thawh dan leh enkawl dan zirtir an ni ang. Last-mile level-a model tha tak tak tihlan leh zir chhuah theihna turin Saksham Anganwadi Centre 10 chu tihchangtlun niin, demonstration centre anga hman an ni dawn a ni.
Anganwadi Centre 300 tih changtlunna atan inrem
