Angelina Jolie leh Brad Pitt te fanu upa ber (adopted) Zahara chuan a pa a thlauh thla tih lantir nan a hming a a pa hming ‘Pitt’ tih lang ve thin chu paihin, Zahara Marley Jolie-Pitt tih thin chu Zahara Marley Jolie tiin a dah ta niin UK chhuak Mirror chanchinbu chuan a tarlang. Zahara hi Jolie leh Pitt ten 2005-a an adopt a ni.
Zahara, kum 18, hi tunah chuan college a kal ve tawh a, Spelman College-a Alpha Kappa Alpha a zawm a, hetah hian a hming chu Jolie-Pitt ti lovin, Jolie tih chauhin a dah ta a, a surname atangin a pa hming a paih ta a ni.
Zahara hi Ethiopia khawpui Addis Ababa-a hnuchham enkawlna atangin 2005 khan Angelina Jolie leh Brad Pitt te hian an adopt a, chutih lai chuan nausen thla ruk mi chauh a la ni.
Jolie leh Pitt te hian fa paruk an nei a, Zahara bakah Maddox, Shiloh, Pax leh phir Knox leh Vivienne te an ni. Jolie leh Pitt te hi kum 10 zet innei lo va an khawsak dun hnuah an innei a, mahse, kum hnih chauh inneiin, 2016 khan an inthen ta a ni. An inthen hnuah an kar borual a chhe zui ta viau mai a ni.
Angelina Jolie leh Brad Pitt te fanu Zahara-i’n a surname atangin a pa hming a paih
