Sandeep Reddy action film siam, Ranbir Kapoor leh Bobby Deol te channa ‘Animal’ khawvel huapin ni 16 chhungin cinema hall ticket hralhna a\angin cheng vaibelchhe 816 a lalut tling ta. He film-ah hian Rashmika Mandanna, Anil Kapoor, Triptii Dimri leh Shakti Kapoor te pawh an inlan a, December ni 1-a tlangzarh kha niin, Hindi, Tamil, Telegu, Kannada leh Malayalam a siam a ni a, US mai bakah Canada leh Australia-ah te pawh a che \ha hle a ni. Animal hian Shah Rukh Khan channa ‘Pathaan’ khumin Canada leh Australia-a Indian film sum lalut hnem ber a ni tawh. India bika a sum lakluh pawh cheng vaibelchhe 498 a tling tawh bawk a ni.
He film hian sawiselna te pawh a dawng hnem malh malh viau nain, Ranbir Kapoor channa film tlangzarh tawhah chuan sum lalut hnem ber a la ni a, a film hi darkar 3 leh chanve a sei niin, ‘A’ rated a ni a, Indian film ‘A’ rated-ah chuan sum lalut hnem ber a ni tawh bawk.
‘Animal’-in vbc 800 lalut tawh
