Anmahni tel lova indo tihtawp tumna Ukraine-in pawm lo
Donald Trump leh Vladimir Putin-a ten indo titawp tura inbiak tan tuma hma an lak mek laiin Ukraine chuan an tel ve lo a nih chuan an pawm dawn lo tih President Volodymyr Zelensky chuan a sawi.
“Mahni kea ding ram kan nih angin kan pawm dawn lo,” tiin Zelensky chuan a sawi.
US president hian Putin-a nen an inbiaknaah indona titawp turin ‘inbiakna hlawk tak’ an neih thu a sawi a sawi a. Ukraine-in Nato a zawm chu a tak taka tih chi loh a nih thu leh indona a awm hmaa ramria let leh chu beiseiawm loh angin a sawi bawk.
Russian aiawh leh American aiawhte chu Munich-ah Zirtawpnia security conference-ah inhmu turin a rawt bawk.
“Russia hi kan mite nen an inhmu ang,” a ti a. “Ukraine pawh sawm an ni a, tute nge lo inlan dawn tih hriat vek ni lo mah se Russia, Ukraine leh United States aiawh chu an tel dawn a. Russian-te an lo kir leh hi ka lawm a, dah chhuah bik kha tihpalh a ni a. Russia ngainat leh ngainat loh hi zawhna a ni ngai lo,” a ti.
He huna tel ngai lo Russia hian Trump-a’n an tel dawn tih a sawi hi an la sawi ve lo.
Zelensky-a adviser Dmytro Lytvyn erawh chuan Munich-a Russian-te nena inbiak chu ‘a beiseiawm loh’ tih thuthar lakhawmtute hnenah a sawi thung.
Zelensky hian Trump-a vice-president, JD Vance chu German khawpuiah Zirtawpni hian a kawm dawn.
Ukrainian hruaitu hi Nilaini khan Trump-a nen an inbe ve tho va, ‘anmahni tel lova inremna siam’ chu an pawm dawn lo tih a sawi.
Ukraine tana Nato member nih chu an thawhpuite tana ‘manhla ber tur’ a nih thu a sawi a, a kimchang erawh a sawi lo.
“Khawvel ram hruaituten Putin-a’n indo tihtawp a inpeih tih a sawi hi eng anga rintlak nge tih pawh ngaihtuah tel a ngai,” tiin Zelensky-a chuan a sawi bawk.
Ukraine-in Europe-a a thawhpui dangte pawhin Kyiv ngaihdan hi an tawmpui a. UK Defence Secretary John Healey chuan ‘Ukraine tel lova Ukraine chungchang sawiho chu an duh lo’ tih sawiin Ukraine aw chu a pawimawh ber tih a sawi.
German Chancellor Olaf Scholz pawhin sawi ringawt muanna chu an pawm lo tih a sawi a, a defence minister pawhin Kremlin laka ngaihhnathiamna a nei chu Washington tana inchhirawm tur a nih theih thu a sawi.
Trump-a hian White House a luah leh hnu leh Russia-in kum 2022 atanga Ukraine a run hnua a vawi khat nan Putin-a hi biain Saudi Arabia-ah an inhmuh tur thu a sawi bawk.
Nilaini khan Oval Office chuan Putin-a hian indo tihtawp a inbeih thu sawiin inkahhai puan thuai a beiseiawm bawk tih a sawi.
Anmahni tel lova indo tihtawp tumna Ukraine-in pawm lo
