Antibiotics leh punkhawmna lian tham

Khawvela mihring punkhawmna lian ber tia sawi chuan antibiotics nen inzawmna a nei tlat tih a ni.
Lakshmi Mittal and Family South Asia Institute, Harvard University leh Unicef te pawhin an thlawp US-based institutes te chuan India-a Kumbh Mela, Hindu festival leh khawvela sakhuana thila punkhawmna lian bera clinics ah te chuan pilgrims sang tam tak te respiratory tract infection neite hnenah antibotics tam tak an pe thin an ti.
Antibiotics chu hman nasat a nih poh leh doctor tena ‘antimicrobial resistance’ an tih neih theihna a sang hle a. Hei hi bacteria chu inthlak danglama damdawi in a hneh theih tawh loha a insiamna chu a ni. Chutiang chuan doctor te chuan antibiotic-resistant “superbug infection” tih chu a nasa zual zel tiin an sawi.
World Health Organisation (WHO) chuan chu tak chu public health atana “global threat” tiin an sawi a. Antibiotic-resistant chuan kum 2019 khan khawvel pumah thihna 1.27 million a thlen tiin The Lancet, medical journal chuan a tarlang a. Nasa zual zel tura ngaih niin kum 2050 ah meuh chuan nunna chan 10 million an tling tawh ang tiin WHO chuan a tarlang bawk a. Heng thilah te hian natna hlauhawm laka invenna hmasa ber antibiotics te chuan awmzia a neih tawh loh vang a ni.
India chu khawvela antibiotic hman nasatna ber niin kum tin antibiotic-resistant neonatal infection avanga nau piang thar nunna chan 60,000 dawn an awm. Researchers te chuan antibiotic hman chu Covid-19 pandemic lai khan a nasa zual tiin an sawi bawk a.
Kar khat awh Kumbh Mela chu Indian khawpui pali-ah neih thin a ni a. Pilgrims te chuan heng khawpui bula luipuiah chuan an inchiah thin a ni.
US-based researchers te chuan kum 2013 leh 2015 khan Prayagraj (tun hmaa Allahabad) leh Nashik khawpui bulah te Kumbh Mela neihnaa clincis 40 siamah damlo 70,000 chuang an awm an ti a.
Chung festival pahnihah chuan chhimtu 100 million chuang an awm a. Prayagraj bikah chuan kum 2013 khan damlote kum chawh rual chu kum 46 niin a tam ber chu mipa an ni a, an harsatna neihte chu khawsik, khuh, hnap tui, taksa kham rem rum leh kawthalote a ni.
Researchers te chuan damlo a tam ber te chu clinics te chuan antibiotics an chawh an ti bawk a. Prayagraj bikah chuan damlo 69% upper respiratory tract infection nei te chu antibiotics pek an ni tih a ni.
“Upper respiratory tract infections chu viral mai a ni a, heng mite laka antibiotics pek vak hi a tha lo a ni” tiin researchers te chuan an paper tihchhuahah chuan an ziak a.
Hei mai bakah hian Kumbh Mela clinci a luh tawh chuan antibiotics chawh nena chhuahleh chu tihmakmawh tluk tiin an sawi bawk a. I hnap a tui deuh a nih chuan antibiotics chawhsa ngei ngei tluk i ni tiin a sawi bawk.
“Antibiotics chawh an nih hian eng vanga chawh nge an nih a chhan a tlem hle” tiin researchers te chuana ns awi a. Zirchianna an enihah antibiotics chu doctor te chuan outpatient setting ah an chawh tlangpui tiin an sawi bawk a.
Researchers te chuan Kumbh Mela ah chuan mi an tam em avangin leh damlo an tam avangin comprehensive patient diagnostic information mumal a awm thei lo an ti bawk a.
Nikhatah damlo za tel tehmeuh an awm a, damlo te chuan doctor lo thu te chu damdawi chawh turin an beisei nghal tawp bawk a. Doctor te chuan damlo pakhat en nan a tlangpuiin minute thum vel an hmanga ‘damlo enfiah tak tak hman lovin antibiotics an chawh tawp thin’ tia sawi bawkin antibiotics chu thlan a ni nghal tawp tiin researchers te chuan an sawi bawk.
Official protocols ang chuan antibiotics chu ni thum ei tur niin chumi hnuah doctor hnenah inentir leh tur tih a ni a. Mahse, pilgrims tam ber te chuan chu chu an zawm tawh ngai lo.
Researchers te chuan festival neih leh hunah antibiotics a tlem thei ang ber pek chhuah a nih theih nan hmalak ni se an ti a. Kumbh Mela neihnaa damlo inti tam tak te chuan physician te an mamawh lo ti bawkin mid-level health providers, medical students leh community health workers tena an enfiah theih an ni tibawkin chu chuan doctor te phurrti lutuk tur a chhawk zangkhai ang an ti bawk.
Clincis te chu diagnostic tha heng laboratory leh radiology service tha te nena thuam nise an ti bawk a. Diagnostics chia chuan antibiotics over-prescription a thlen nia an ngaih thu an sawi bawk a. Doctor ber te pawh antibiotics hmanah zirtir belh ngai tiin an sawi bawk.
Kum 2013 Kumbh Mela kha cloud-based near real time disease surveillance nena kalpui a ni a, kum 2015 khan digital tablet nen paper-based record hnawlin epidemiological surveillance neih a ni bawk a. Kum 2025 ah chuan thuag thumin – clinical, laboratory leh drug utilisatoon and sewage data hmanga natna hriatfiah tuma hmalak tum a ni.