Supreme Court chuan March 11 khan State Bank of India in electoral bond scheme hmanga political party te hnena sum pek dan kimchang pechhuak tura a tih June 30 thlenga pawhsei a dilna chu a hnawlsak.
Apex Court chuan Election Commission pawh SBI-in electoral bond details a pek information kimchang chu March 15 tlai lam dar 5 hma ngeia tichhuak turin a ti bawk.
“A kimchangin a inmil vek em tih enfiah turin kan ti lo che a a. A vaiin tlangzarh vek rawh u kan ti mai a ni. Thupek i zawm mait ur a ni” tiin Chief Justice D.Y. Chandrachud chuan SBI a hrilh a. SBI lam chuan, “A pumpuiin kan let leh vek a ngai dawn a ni” tiin a chhang thung.
“Kan hmaah SBI an awm a, in langtlang tur a ni. Tun hnai ni 26 chhungin eng nge in tih? In application ah engmah ziahlan in nei bawk si lo. Bond lei tinah KYC a awm vek a, chuvangin a kimchangin in nei vek a ni” tiin CJI chuan a sawi.
SBI chuan a kimchang (detials) kan nei vek a, mahse, bon leia donor te hnena pek kaihhnawih enfiah vek tur chuan hun kan mamawh a ni a ti.
Five-judge Constitution Bench. Chieff Justice of India kaihhruai chuan thubuai thehluh dang SBI chuan ‘tum reng vang leh duh reng vangin’ Supreme Court thupek namnulin March 6 a Election Commission hnena electoral bond details thehlut tura a tih chu a ngai pawimawh lo a ni tih chu a ngaihtuah tel bawk a.
Apex court Bench ah hian Sanjiv Khanna, B.R. Gavai. JB Pardiwala leh Manoj Misra te pawh telin thawhtanni zing lam dar 10.30 atangin heng petition pahnih te hi an ngaihtuah tan a.
Supreme Court chuan tunah rih chuan contempt jurisdiction chu kalpui rih loh a ti thung a. Mahse, vawiina thupek a siam chu Bank in a zawm lo a nih chuan hremna lekkawh a ni ang tiin CJI chuan a sawi thung.
SBI tena electoral bond purchase details an neih thu ans awi hnuah Justice Sanjiv Khanna chuan details te chu sealed cover chu hawngin a details chu lailan ni rawh se a ti a. Justice B.R. Gavai pawhin bank chu court thutlukna siam chu a nihna ang anga zawm hmak turin a ti bawk.
CJI chuan eng vanginnge SBI chuan Supreme Court Constitution Bench judgement zawm tura hun tam zawk dil nana Assistant General Manager dil tir nge an nihah zawhna a siam bawk a. Apex Court chuan Election Commission of India chu Supreme Court hnena sealed cover-a a pek luh chu lailang vek turin a ti bawk.
February 15 khan five-judge Constitution Bench chuan Centre electoral bonds scheme a petu tu nge tih thup tlata political party te hnena sum an pek theihna chu ‘constitution a kalh’ tia sawiin a hnawlsak a, party te hnena sum pe tu te leh an pek zat kimchang chu Election Commission hnenah March 13 hma in kimchangin pe vek turin a lo ti tawh a ni.
Top court chuan a hranpa in SBI pawh thu pe in March 6 hma ngeia electoral bond April 12, 2019 atanga lei tan chu Election Commission hnenah pelut tur leh Election Commisiion pawh March 13 a website a a kimchanga tarlang turin a ti bawk a.
March 4 khan SBI chuan apex court ah ngenna siamin electoral bond scheme details thehlut tura a tih chu chhuanlam hrang hrang siamin June 30 thlenga pawhsei sak a ngen a ni.
Chhuanlam a siamah SBI chuan bank hrang hrang atanga information lakkhawm leh chu chu ainmil em tih enfiah nan chuan hun a ngai tiin a sawi.
SBI in ngenna a siamah donors te identity humhim a nih theih nana thupna hrang hrang an siam te lailang veka electoral bond leh donor te donation a inmil em tih enfiah chu thil awlai a ni lo a ti bawk.
SBI tena ngenna an siam hnu lawk hian apex court-ah vek SBI te chu apex court thupek ngai pawimawh lo tia sawiin court an zah lo a ni tiin khing zui an awm ve thung a.
NGO pahnih Association for Democratic Reforms leh Common Cause te chuan SBI te chuan hun tawp dawn ruaiah leh Lok Sabha inthlan hma ngeia lailan a nih loh nan hma an la a ni tiin court ah an zualko ve zui nghal a ni.
Congress ten Supreme Court fak
Congress te chuan Supreme Court in SBI ngenna hnawla electoral bonds details darkar 24 chhunga pechhuak tura a ti chu fakin democracy humhim nan court chu a penchhuak leh ta an ti.
Congress general secretary, organisation, K.C. Venugopal chuan, “He sorkar inbumna khawl lak atangin Supreme Court chuan Indian democracy a humhim leh ta. Nitin hna awlsam taka thawh theih mai SBI in zawh hun tur pawhsei a dil chu a nuihzathtlak a. Sorkar hian an ruh lang veka lailan an hlauh em vang a ni” tiin a sawi.
“He mega corruption scandal hi Supreme Court thupek angin BJP leh an corrupt corporate te inlaichin dan lailanin a awm dawn a ni” a ti bawk.