Krishi Vigyan Kendra (KVK) Khawzawl leh North East Initiative Development Agency (NEIDA) tangdun huaihawtin Pradhan Mantri Janjatiya Vikas Mission (PMJVM) hnuaiah farmer producer organisation (FPO) – Tuipuiral Apple Growers Association hnenah Tuipuiral VDVK Vermicompost Training neih a ni a, changpat leitha siam dan zirtir a ni.
Leisenzo leh Lianpui khua atangin apple chingtute an tel a. KVK Khawzawl head, senior scientist Dr Malsawmkimi chuan KVK nihphung leh kuthnathawktute tan an mamawhna zawnah englai pawhin KVK-a thawktute chu an awm reng tih a sawi a. Kuthnathawktute hnenah apple-in a mamawh leitha siam chhuaha an thlai chinte rah tha chhuah tura leilung enkawl that leh duat a pawimawh tih a sawi.
Leitha siam dan hi KVK Khawzawl subject matter specialist (Soil Science) R Vanlalduati’n a zirtiaa ni.
NEIDA hnuai atang hian apple ching tur khua pali – Khuangleng, Leisenzo, Lianpui leh Vangchhia thlan an ni a, an vai hian mi 220 an ni. Kum 2021 atangin apple hi an phun tan a, kum 2025 atang chuan hralh chhuah theih tum a ni. Apple tharchhuah hi organic hlang an ni bawk. Apple chingtute hi a tir atangin NEIDA hian a phun leh enkawl kawngah hma a lakpui thin a ni.
Apple chingtuten lei tha siam zir
