April 1 atangin H/S tan dawn
School Education department hotute chu an minister Dr Vanlalthlana kaihhruaiin high school academic calendar chungchang sawihoin Ningani khan an thukhawm.
Mizoram Education Reforms Committee thutkhawm vawi 14-na leh 15-na rawtna chu zirhoin an ngaihtuah a. Kum 2026- 2027 high school academic session hi 2026 April 1 ah tan nise, tiin a rel.
First term exam leh result puan chu July 7 -17 chhunga peihfel hman tura tih a ni a. Second term chu July 21-a tan tura tih niin, exam leh result puan chu October 19-30 chhunga peihfel tura tih a ni.
Third term hi November 3-a tan tura tih niin, December 21 atanga 2027 January 5 inkar chu thlasik chawlh atana tih a ni a. Third term exam leh result puan hi 2027 January 18-29 chhunga tihfel tura rel a ni.
HSLC examination hi February 2027 chhunga buatsaih nise tih a ni a. Higher secondary school chu a ngai anga kal tura rel tawh sa niin, 2026 April 1-a class kal tan tur a ni.
April 1 atangin H/S tan dawn
