US-a arpui pakhat chu kum 15 chuang a dam tawh a, Guinness World Records-in khawvela ar damlai zinga upa berah a puang. He arpui damrei lutuk hi mithiam te pawhin an ngaihven riau a, ran leh ramsa thenkhat te hi a dangte aia eng vanga damrei bik viau thei nge an nih tih zirchian nan te pawh an hmang ta hial a ni.
He arpui hi a hmingah ‘Gertie’ an ti a, hetiang ar, Golden Sebright ho hi a tlangpui thuin kum 5-8 vel an dam thin a, mahse, Gertie chu kum 15 leh ni 100 a dam tling tawh a ni. Gertie neitu chu Frank Turek niin, 2010 atang khan Frank hian a enkawl tawh a ni. A hmaa hetiang record siamtu chu Gertie hian damrei zawnga thla ruk chuangin a khum tawh bawk.
Tunah chuan Gertie pawh a mitin khua a hmu tawh lo va, chuvangin a zuanglam vak thei tawh lo a, a bawmah a tâp nileng deuh chawt tawh a ni.
Ar damlai zinga upa ber
