AR sawnchhuak turin Union HM
a rawn kal lo – MBJP president
Mizorama Union Home minister rawn kal tur chu Assam Rifles sawnchhuak tur lam a ni loa, tute emaw nawr avanga Assam Rifles chhuak tura ang sawi pawh thudik lo a ni tih BJP Mizoram president Vanlalhmuaka chuan a sawi.
Thuthar thehdarhtute a kawmnaah BJP State president chuan Mizoram tana sawrkar laipuiin hmasawnna hna thawh tur hrang hrang atana a ruahman, a vaiin cheng vaibelchhe 2414.027 man Union Home minister Amit Shah-a’n a rawn hawng tur chu lawmawm an tih thu a sawi.
Mi thenkhatin Assam Rifles sawnchhuah chungchangah tute emaw nawr avanga chhuak tur anga tih leh Assam Rifles sawnchhuahna atana Union minister rawn kal tur anga sawi awm chu thudik tawk lo leh belhchian dawl lo a ni, tiin, “Sawrkar laipui hmalakna hrang hrangte a tahtawla hawn hna hi thawh thin a nih vangin Mizoramah pawh chutiang ruahmanna chu kan lo chang ve a; Pu Amit Shah hian Mizorama a rawn zin chhan ang tho hian Bihar state-ah pawh April 2 hian a kal dawn a, BJP chuan India ram hmasawnna hna thawh tur hi chak takin a kalpui a ni,” a ti.
AR sawnchhuak turin Union HM a rawn kal lo – MBJP president
![](https://theaizawlpost.org/wp-content/uploads/tap_logo-min-large.jpg)