Arab leh Muslim ramten rambuai chungchang sawi turin Saudi pankhawm

Arab leh Muslim ramten rambuai
chungchang sawi turin Saudi pankhawm
Arab leh Muslim ram hruaitute chuan nimin khan Gaza leh Lebanon-a Israel nena buaina thleng nasa tak chungchang sawihona an nei a, Saudi Arabia chuan he hun hi a thleng a ni.
Saudi foreign ministry chuan October thla tawp lam khan Israel leh Palestinian buaina chinfel dan tur hi neih thuai a nih theihna turin ruahmanna a lokal tawh thu a sawi.
Saudi media te chuan pathianni khan he huna telte hian thildang engmah sawi lova Palestinian ram leh Lebanese-te Israel in a beih chhunzawm zelte, buaina thleng mek hmetmit tura hmalakna hmasa turte an sawiho dawn tih an lo sawi tawh bawk.
He huna telte hi khawi ramte nge an nih tih leh eng nge an thutlukna tih puanzar a la ni chiah lo a, Pakistan chuan an prime minister Shehbaz Sharif chu a tel ngei tur thu kar hmasa lam khan a lo sawi tawh a ni.