‘Ardali’ nei theiten indaih
loh luat avangin nei ve lo
Force mi an nih angin Excise & Narcotics hotu lian chin chu ardali (orderly) nei ve thei an nih laiin, an indaih loh em avangin hetiang hi an nei ve lo.
Excise & Narcotics Department hotute chuan staff an tlem avangin awl bik a awm hleihtheih loh tih an sawi a. Aizawl leh district headquarters hoah a theih ang angin duty pangngai bakah patrolling an nei ve thin a, chhuna office-a thu te kha zanah patrolling-a an chhuah leh a ngaih chang a awm a; driver pawh patrolling duty zinga telh an ngai thin tih an sawi.
Heng hi Excise & Narcotics minister Lalnghinglova Hmar-in thuthar thehdarhtute a kawmnaa an sawi a ni a. Minister chuan an department-ah indaih loh thu sawi an phal tawh lo tih a sawi.
Excise & Narcotics Department chu ngaihthah ni lo mah se, ngaihpawimawh a hlawh lutuk loh thin avangin, thawktu tlem bakah lirthei leh tul dang thlengin mamawhna a sang a, tun kum hnih chhung vel hian thawktu 16 lak bakah lirthei thar 18 leh sawrkar department dang ta lirthei hlui, la hman tlak si pathum an nei tawh tih a sawi a ni.
Hunpui laiin nasa lehzuala tan thar thut an tum loa, an tan sa reng angin an kal mai dawn tih a sawi bawk.
‘Ardali’ nei theiten indaih loh luat avangin nei ve lo
