Argentina-in president thar nei dawn

Far-right libertarian Javier Milei chuan Argentinian presidential run-off poll-ah chakna a chang.
Milei tumpui ber economy minister Sergio Massa pawhin a chak loh thu a pawm zui tawh a.
US President ni \hin Donald Trump pawhin Milei hi lawmpuina thawnin “Argentina ropuiin a siam leh ang” a ti.
Inthlan hi Argentina in hun harsa a tawh laia neih niin inflation a sang a, mipuite rilruah economy in hmun a chang lian hle a ni.
Milei-an rawtna a siam zingah central bank siam\hatte chuan voter-te rilru a hneh hle a ngaih a ni a.
Provisional result tihchhuah chinah Milei hian vote 56% vel hmu in Massa chuan 44% vel a hmu a, 90% vel vote chhiarin a awm tawh a ni.
Buenos Aires-a thusawina a neihah Milei chuan, “Vawiin hian Argentina siam\hat a in\an a, vawiin hian Argentina tlakchhiat a tawp a ni” tiin a sawi a.
“Tlakchhiatna model a tawp ta a, kan let leh tawh lovang” ti bawkin, “Argentina chuan khawvela a hmun a hloh ngai loh tur a awh leh ang a. Khawvel ram dangte nen inzawmna nei \hain kan thawkho ang a, khawvel \ha zawk kan siam ang” tiin a sawi bawk.
A elpui ber Massa pawhin, “Inthlan result chu kan beisei ang a ni lo va, Javier Milei pawh lawmpuina ka hlan tawh a ni. naktuk a\ang chuan mawhphurhna Milei kutah a awm tawh ang” tiin a sawi.
Milei hi US President hlui Donald Trump te, Brazilian leader hlui Javier Bolsonaro te nena zia leh tum inang anga ngaih a ni a. Enchhin a la nih ve loh avangin enchhin chakna a lian anga ngaih a ni.
Campaign-naah US dollar chu official currency a hman ni se a tihte chuan amah thlawptute lawm a hlawh a. mahse, economist tam tak te chuan financial disaster a thlen ang an ti ve thung.
Argentina-ah hian inflation a sang hle a, 140% vel niin mi panga a pahnih zel chu rethei bakberha ngaih an ni bawk a. Milei chakna hian Argentina chuan traditional politics leh economic dinhmun chhia an hne zia a pholang anga ngaih a ni.
Milei chakna chuan Argentinian ten an nun tihnawm zual nana thil thar zawk enchhin an chakna a lantir anga ngaih a ni.
US President hlui Trump chuan truth Social platform ah, “Khawvelin a thlir a, ka chhuang takzet che a ni. In ram siam \ha in Argentina ram ropuiah i siam leh ang” tiin a sawi zui a.
White House National Security Adviser Jake Sullivan chuan Milei chu pawmpui bawkin ‘inthlanna dik leh fel in neih avangin Argentina mipuite ka chhuang a ni’ a ti bawk.
US chuan kan duh tlan human rights humhim te, democratic values humhim leh langtlang sorkar chhawm nun zel a nih theih nan kan thawkho zel ang a ti bawk.