Ariana Grande leh Dalton Gomez te chuan an inthen thu an puan atanga thla khat velah court-ah an inthenna an tifel zui nghal. Zaithiam Ariana Grande leh real estate agent Dalton Gomez te hi 2021 a innei kha an ni.
An inrem danah chuan Dalton hian tax-free dollar maktaduai 1.25 bakah Los Angeles-a an in hralhna man chanve a dawng ang a, hei bak chu spousal support dang engmah a dawng chhunzawm tawh lo ang.
Ariana leh Dalton te hian September thla chawhma lam khan court-ah inthen dilna an theh lut a, mahse, a tak takah chuan chumi hma thla ruk vel atangin an lo awm hrang tawh a, court-a an lehkhaah chuan February ni 20, 2023 kha an awm hran tan hun niin an tarlang.
February a awm hrang tan tawh mah ni se an inkar siamthat leh theih beiseiin hma an la viau a, May thla khan an inneih anniversary vawi hnihna te pawh an la lawm dun a, Ariana hian a Instagram-ah an inneih thlalak post-in a caption-ah “2” tih a dah tel a, “(3.5 together!!! Ka hmangaih em asin” a ti bawk.
Ariana Grande leh Dalton Gomez te hi March 2020 khan an inzui thu hi a thang tan a, thla hnih hnuah Justin Bieber nena an hla ;Stuck With U’ music video-ah Dalton Gomez nen hian an lang dun a, heta tang hian an inkar hi an ti-official ta a, May 2021-ah Montecito, California-a Ariana chenna inah an inkutsuih ta a ni.
Ariana Grande leh Dalton Gomez te in\henna tifel
