Prime Minister Narendra Modi chuan sorkar chuan armed forces ah hmeichhia tam zawk an awm theih nan hma a la ang a ti.
“India chuan target sang zawk siamin chung target te tihlawhtling ngei tur chuan hma a la mek a ni” tiin PM chuan Maharashtra a Sindhudurg district a Navy Day hmannaah a sawi.
Prime Minister chuan India chuan ‘sal rilru put’ hnawl tawhin hma lam panin a kal mek a, kum zabi 17 naa Maratha warrior king ideals a zui zel a ni, a ti bawk a.
“Sindhudurg Fort hian India khua leh tui teah inchhuanna a siam a ni” tiin Modi chuan Chhatrapati Shivaji statue, Rajkot fort a dah haihawnna a neihah a sawi bawk a.
Naval officer te epaulettes (sipai kawr koki buk) chu Shivaji heritage leh legacy te tarlanna a ni a, epaulettes thar pawh naval chhin chhiahna thar nen a inang ang a ti bawk a.
“Kan heritage kan chhuang a, Indian Navy-a ranks te pawh Indian culture milin thlak a ni ang tih ka puang bawk a ni. Defence forces ah hmeichhia tam zawk an luh theih nan kan tisang dawn bawk a. Navy tena naval ship women commanding officer hmasa ber an ruat avangin ka lawmpui a ni,” tiin PM chuan a sawi bawk.
Shivaji maritime heritage hausa tak chu fak bawkin PM chuan warrior king seal chu naval ensign thar siam nana entawn ber a ni a, India indigenous aircraft carrier hmasa ber INS Vikrant pawhin a hmang nghal a ti bawk.
Central leh State sorkar chuan Shivaji hun laia kulhte chu a humhim zel dawn tia sawiin heng hmun pawimawhte humhima chei that nan hian crore tel sum sen a ni tiin a sawi bawk a. Modi chuan chung an hmalaknate chuan tourism pawh a tipung ang a, hna pawh a siam ang a ti bawk.
“Heritage bakah development hi developed India nihna kawnga kan kaldan a ni. Tunah chuan coastal area-a chengte nun tihchangkan hi Central sorkar ngaih pawimawh ber a ni,” tiin PM chuana sawi bawk a. “Merchant shipping pawh tihhmasawn zel niin India chuan tuipui lama a theihna tihpun a tum a ni,” a ti bawk.
Armed forces-ah hmeichhia tipung dawn
![](https://theaizawlpost.org/wp-content/uploads/tap_logo-min-large.jpg)