Thawhleh zana champions league khelhah Group B champion ni chiang tawh chunga inlan Arsenal in hnehna an chang zo lo. Arsenal lakah tlawm an pumpelh hlauh vangin PSV Eindhoven in last 16 an luh phah ve thung.
Philips Stadion muala lenglut Arsenal hi group champion an nih chian tawh vangin an inthlak danglam nual a. Manager Mikel Arteta chuan Aston Villa an hneh loh tuma bul a tantir pariat ngawt thlak danglam. Inthlak kual nasa viau mah se goal thun hmasa zawk ah an tang tho thung. Minute 42-naah Eddie Nketiah chuan hmahruaina goal a thun a, si khat faia hmahruai chungin chawlhlawk an hmang.
Chawlhlawk hnu lamah Dutch team lian PSV in an si phurh sut ngei tumin tan an khawh a. Yorbe Vertessen chuan minute 50-naah goal thunin an si phurh a sut. Goal thun tumin innawr tawn viau mah se goal dang a luh belh thei tawh lova, 1-1 in an in hnehtawk zui ta a ni.
Arsenal lakah tlawm an pumpelh hi PSV tan a tha hle a, Group B ah pahnihna ni chungin last 16 an luh zui theih phah. Group B a inkhel dangah Lens chuan an mikhual Sevilla chu 2-1 in an hneh a, Europa League an khel chhunzawm thei dawn.
Arsenal an chak zo lo
