Champion mamawh leh champion chakna tuihal Arsenal chuan Pathianni zan hian fiahna hautak an hmachhan dawn a, London-a an hmelma lian Tottenham Hotspurs an hmachhawn dawn. Tottenham mualah an tlawm a nih a, Inrinni zanah Manchester City in hnehna an chang a nih bawk chuan Mikel Arteta team te hian point hnih lekin hma an hruai tawh ang a, an tam champion an harsat phah hle ngei ang.
Table-a hmahruai mektu Arsemal hi tunhnaiah an khel tha lova, chak an hatsat thin vangin an hmahruaina a pan hle tawh. An hnuia chiha awm Manchester City in Inrinni zan hian an mualah Newcastle United an mikhual dawn a, an mualah an chak a nih chuan City an chunga awm reng thin Arsenal an hnaih kuarh ang a, an inkarah point hnih chiah a tlazep tawh a. City leh Arsenal te hi intum zui leh tur an nih vangin chamupion tuma inelna boruak a nung thar hle. An tlawlhthluk zeuh thin vanga Arsenal an chiai laiin City erawh an lo phur thar surh thung. City in nuam ti taka an khel laiin Arsenal erawh chuan pressure an nei tam sawt viau thung a, an boruak a inthlau rih hle.
Derthawng tak chunga hma la hruai ve der der Arsenal hi nilai zan khan table mawngphaha awm Wolves lakah an chak zo lo ringawt a, point thum an hmu zo lo. Wolves lakah an chak zawh loh vangin an dinhmun a chhiat phah leh zual. Pathianni zana an khingpui tur Tottenham lakah chak an mamawh tak zet dawn a, an hmelma lian lakah an chak zo lo a nih chuan boruak a hniam leh zual sauh ang a, an tan champion a harsa zui hlengei ang.
London hmar veng club lian Tottenham hi season kal mekah an chetha lo viau a, khelh 16 atanga point 19 hmuin 16-na an luah mek. Pathianni zana an mikhual tur Arsenal lakah an tlawm a nih phei chuan an dinhmun a chhe lehzual sauh dawn a, tlakhniam an hnaih deuh deuh dawn. Mak tak maia an tlahniam a nih phei chuan an player tha rualin an chhuahsan zui ngei dawn a, insiamthat leh a har zui hle ngei ang. Tlahniam dawn pawh nise Spurs chak ber chu Arsenal hneh a ni dawn thung.
Arsenal tan fiahna hautak
