Art exhibition nei tan
Directorate of Information & Public Relations leh Mizoram Art Development Society tangdun buatsaih Annual Art Exhibition 2025 chu Thawhlehni khan IPRP&S minister B Lalchhanzova’n a hawng a.
Exhibition hi Lianchhiari Run Art Gallery, I&PR directorate-ah November 14 thleng neih tur niin, artist 56 lemziak leh lem tuk a vaiin 100 pholan a ni.
Art chu thil ril leh ropui tak, mi zawng zawngin an tih ve vek theih loh a ni tih minister hian sawiin, exhibition-ah artwork tha tak tak mi 60 dawnin an phochhuak chu lawmawm a tih thu a sawi. Zau zawka Mizo artist-te kutchhuak chawilar zel a duh tih a sawi a. Sawrkar pawhin a remchan dan angin ruahman belh zel a tul tih a sawi bawk.
MADS leh I&PR tangdunin painting intihsiakna a lo buatsaih tawha category hrang hranga lawmman latute hnenah minister leh I&PR director K Vanlalsangi ten lawmman an hlan a ni.
Art exhibition nei tan
