Artificial Intelligence chungchang zirho
Zoram Research Foundation leh Research, Innovation and Extension Cell, IQAC, Govt. Aizawl College te tangkawp chuan nimin khan Govt. Aizawl College Conference Hall, Mualpuiah Artificial Intelligence chungchang zirhona, Worshop on Artificial Intelligence Awareness an nei a. He AI workshop hi IFFCO TOKIO General Insurance puihna a neih a ni.
He hun hmanpuitu Lalramsanga Sailo, IRS, Secretary, Govt. of Mizoram, Sport and Youth Services chuan tunlai khawvelah AI hman tangkai a tulzia thu a sawi a. Sorkarin AI chungchanga hma a lak dante a tarlang a. College zirlaite chu engtiangin nge AI hi eizawnna atan kan hman tangkai theih ang tih ngaihtuah turin a fuih a. AI chungchang zirhona hun hi hlawk tak a hmang turin a chah a ni.
He zirhona hunah hian Esther Lalremruati, MF&AS, FAO, ICT Department chuan tunlaia AI hmasawnna leh a lo dawn sawn dan tur tih thupui hmangin a zirtir a pe a. Dr Lalthlamuana, ICT a Chief Informatics Officer ni thin chuan kum 2025-a ICT hmasawnna leh AI hmanga inrelbawlna chungchangte zirtirna hun nei bawk a. He hunah hian zawhna leh chhanna hun tha tak hman a ni bawk.
He hun hi Rochamliana, General Secretary, Zoram Research Foundation-in lawmthu sawina neiin hun a khar a. AI zirhonaah hian Govt. Aizawl College zirlai thahnem tak leh zirtirtute an tel a ni.
Artificial Intelligence chungchang zirho
